En abril...

...neves mil?
(Neva e neva e neva...)

A primavera o sangue...

...conxela?

Poderían ser o laranxos en flor...
ou o eclipse que ven, así, branco...
ou unha foto de hai tres meses.
Pero non.

(Gävle, hoxe, ás 10:00 a.m.)

Criminal anda solta

Polas maneiras parecería Kournikova, pero non. Esta é Astrid Jornefelt, de 76 anos, que asegura que en ningún momento quixo desprenderse da tixola, que só a deixou a unha beira dun contedor porque non quería entrar no supermercado con ela. Pero a xustixa di que nin de coñas, que esta muller é unha criminal do velloambiente (non hai máis que mirar para ela), e anda a abandonar tixolas de teflón e que señoras tan perigosas non se poden deixar soltas, que o día menos pensado envelenan ás pombiñas do parque ou se converten nunhas sogras despiadadas. Non sei se a meterán no trullo, pero, digo eu, que reinsertala (agora que está tan de moda a cousa) estaría ben. Por exemplo, un par de saques no Open de Australia, tixola en man.

Así se chaman os suecos

Mulleres Homes

Por se tedes curiosidade, este é o Top 20 dos nomes en Suecia, tanto para elas como para eles (fonte: Sveriges officiella statistik).

Acedre, master "coellum laudem"

Recollido textualmente: "A min gustame Christer, anque non represente a Gavle". Quen así falaba era o amigo Acedre, que sorprendeunos neste mesmo blog, uns artigos máis abaixo, sobre o amplísimo coñecemento en coello sueco. Pois si, foi Christer, de 3 anos, o elexido como "Coello máis bonito de Suecia". Abraiante, Acedre, quedas nomeado xa como o novo Sheriff Coello de Warrenton!!

Conexión de Internet

Para quen lle interese como corre o Internet en Suecia (premede sobre a imaxe para ampliar).

O coello máis bonito de Suecia?

Velaí tedes a "Kungen" ("O Rei"), un dos favoritos para proclamarse "Coello máis bonito de Suecia 2006" hoxe en Sandviken. Podedes botarlle unha ollada aos seus principais opoñentes.
A colonización galega de Suecia, a nosa quinta provincia mar por medio, achégase á culminación. Non fai falla se quera plan de rota. Os suecos non comen coello (cando menos o coello que... o de..., vale, vale, paso de de facer coñas), pero paparano sen problemas se lle cortamos as orellas e o colocamos entre dous pans con algo de leituga e queixo por riba.
Amo Suecia! Jag älskar Sverige, mina vänner! Que ben deben de andar económicamente para pasar o rato nestas cousiñas.

Comeza o desxeo en Estocolmo

O arquipélago que forma Estocolmo xa recibiu as súas primeiras notas da primavera. Os ríos, os lagos, as costas, xeadas durante todo o inverno, parece que se abren por fin ao sol.

O 24 de marzo é o meu cumpreanos

E non hai mellor xeito de festexalo.

Que sexa verdade.

Para sempre.

Pizza olímpica

Este home (imaxe publicada no Aftonbladet) xa está tranquilo. O Comité Olímpico Sueco levantoulle a denuncia por terlle chamado "OS-pizza" ("pizza dos Xogos Olímpicos") a unha das súas produccións. E pedíalle uns 6000 euros que logo rebaixou a 600. Vése que o Comité de marras debe andar algo aburrido. Lóxico, se as Olimpíadas fosen cada seis meses...

Que tempo vai en...

Xa comezou a primavera!!
Rolda de temperaturas!!!

Edsbyn, campión de bandy 2006!!

E vós diredes: "e a min que carallo me importa?". Pois o mesmo que a min, pero xa vedes, polo mesmo prezo, cóntovos todo.
Edsbyn é unha vila tipo Abegondo, Alvedro, ou algo así, pertiña de Gävle, e que é coñecida só por unha cousa: o bandy. O seu equipo gañou hoxe por terceiro ano consecutivo a liga sueca, en Uppsala e ante 23048 espectadores (ni má ni meno). Que é o bandy? Pois básicamente o bandy é un coñazo de deporte no que participan dous equipos de once xogadores cada un, nunha pista de xeo das dimensións dun campo de fútbol, con dúas partes de 45 minutos, ao aire libre e cuns paos de hockei tras unha pelota laranxa. E eso (o deporte, non as laranxas) trae aos suecos tolos. Encántalles. Eu fun o ano pasado, sobre estas mesmas datas, acreditado e animado por uns amigos. Non nevaba pero estabamos a uns 8 baixo cero. Non sei aínda ben onde me metín, pero cando mirei para os lados estaba rodado de tipos xigantes, todos de pé, berrando e sostendo unhas petacas que levaban á boca periódicamente. Moi periódicamente. Que frío pasei, de verdade. Alí estaba eu, de pé, co frío que me entraba por todos os lados e preguntándome que facía eu aí. "Hai que probar de todo, Kiko". Ah, era eso.
Creo que foi un dos peores días da miña vida térmica. Eu miraba para o marcador e movíaseme todo. Marta, que agardaba á saída (que listas sodes as mulleres...), dixo que parecía un pitufo, coa cara toda azul. Nunca Máis. Nin Prestige, nin bandy. Téñoo claro. Aquí vos deixo o último minuto do partido, por se hai algún afeccionado a este simpático deporte (animaliño...)

Manifestación

Toulouse (Imaxe: Le Monde)

A Coruña (Imaxe: La Voz de Galicia)

-Mamá, mamá, por que é que en Galicia non hai emprego?
-Cala, neno, e segue bebendo.

Pasaba por alí

Xa sabedes que en canto sucede unha desgracia todo can e gato "pasaba por alí".
-Viches o das Torres Xemeas?
-Si, tio. Xusto un día antes eu "pasaba por alí".
Súmome ao clube. Hai unha semana amosábavos "Un día en Gävle" (ver máis abaixo), e entre as fotos, unha dun portón con carámbanos de xeo.
Pois ben. Ducias de tellas da fachada derrumbáronse cara o chan e deixaron a rúa tal como recolle esta imaxe (Gefle Dagblad). A culpa: a neve e a falta de interese dos donos. Non pasou nada grave. Pero puido. De feito, eu mesmo "pasaba por alí" había unha semana.

Mundosueco (I)

Esta é a grande noticia da temporada. Ocupa portadas, tertulias radiofónicas e programas de televisión: un dos postos da Stortorget (a praza central de Gävle) vende salchichas sen permiso. Gravísima lesión!!! Resulta que o fulano pode despachar hamburguesas, kebabs e outros delicatessens, pero hotdogs, noooooooooooon. Xa, e quería irse de listo, pero para esto están os investigadores policiais. Que o das salchichas é máis perigoso que as plantacións colombianas de coca, faltaría plus! Esa si que é tensión, e non a miña logo de comer salgado...
Por certo, sobre salchichas nos xornais temos un dos recordos máis antolóxicos que quedará para los anales y los culos de la historia. Resulta que hai uns meses foi sentenciado un destes vendedores por "chorizar", valla a expresión, ao fisco e ocultar ingresos. Nas cartas ao director do xornal (que fonte de estudio de sueco...) exclamaba un nacho: "Como é posible que un estafador sega a vender salchichas sen que as autoridades fagan nada!!??". A réplica máis impresionante de todas foi esta: "Non vexo porqué ten que deixar o seu posto: ao fin e ao cabo estamos a falar das mellores salchichas de Gävle!!!". Verídico.

Mundosueco (e II)

Non vexo eu ningún xornal galego cun paxaro na portada. Políticos si, pero paxaros, poucos, que va... Pero no xornal local de Gävle poden sair rás, cogumelos, parrulos, gatos, árbores, raposos, renos e tamén políticos. Por exemplo, hoxe case caio do pasmo cando collo o xornal do chan e me atopo ese becho despatarrado, en plan ionqui, mirando cara min. Por suposto, alá foi o almorzo ao carallo... Titular: "Paciente reacio a recibir protección contra a gripe". A dos polos, vamos. Tempo libre é o que lle sobra a esta xentiña.

Terrible!!!

Son fotos dun partido de fútbol xogado no Algarve entre Suecia e Francia. As imaxes son arrepiantes e amosan o espectacular golpe que levou Hanna Ljungberg ao chocar contra a porteira Sara Bouhaddi. A sueca foi levada ao hospital e todavía non se coñece a gravidade da lesión.

Un día en Gävle

Hoxe erguínme cedo. Xianiña cumpre un mes e meditei a posibilidade de facer unhas chamadas de teléfono para compartir o momento...


...pero logo, díxenme, case mellor vou estirar algo as pernas e biciclear un chisco pola parroquia... (por certo, aló ao fondo á dereita "vedes" a Marta empurrando de Xiana Linnéa)


...antes de decatarme de que o ceo locía claro e era mellor sentarme e contemplalo dende un banco da rúa central...

... e ver que... Carámbanos!!!! Que lle medre ao romanticismo e aos paseos dominicais. Eu vólvocheme para casa que corre Alonso!

Quere ser Milánario?

Cada vez que o vexo pregúntome: Lorenzo Milá fai dobrete na TVE e na TV4 sueca? Non, é Martin Timell, o presentador da versión viquinga do concurso "Quere ser millonario?".

Nena, busco freba

Imaxe: Aftonbladet

O xornal Aftonbladet conta hoxe a historia duns empregados que adicaban o seu tempo libre a montar orxías entre a carne. Vamos, eso en principio sería normal, se non fose porque a carne é precisamente o seu elemento de traballo: a fábrica adícase ao despece animal. Velaí están, así de cachondos, retratados entre tanta freba, que parece eso unha noite en El Bosque de Cecebre. O xefe da fábrica cárnica di que "é inaceptable" (está fodido por non ser chamado á rachín). Se vos presta o churrasco, aquí tedes máis imaxes.

Non hai como unha escada

A gata Klara xa deixou a punta da árbore na que pasou sete xélidos días.

Sete días e sete noites

É o tempo que leva a gata Klara nunha árbore, papando frío e neve, en Sandviken, na vila do lado. O becho de momento sobrevive (onte chegamos aos 21 baixo cero), anque o dono está moi anguriado (cousas de ter moito tempo libre...). Xa non neva e loce o sol. Pero ata cando?

E nestas andamos...

...por Gävle.

A neve non se desmonta

Correctamente. Xa sei que o metro da foto non serve para nada porque non se ven os números. Pero non me diredes que as letras de Ikea non lle dan un aire sueco fetén? Pois iso...
Total, que o metro de marras pon 27 centímetros no noso pequeno balcón, que ata coa porta aberta aguanta o molde de neve. Que non o desmonta nin un enxeñeiro de Ikea, osea.
Segue nevando, si, segue. E seguirá. Esto non o para nin Pemán...

Sobrenatural

As nubes seguen caendo a plomo sobre Gävle. Nunca vira tal. Premede sobre o video.

No balcón

Imos ver que tempo vai... O CAN DE QUEN?????!!!!!! Esta que vedes é a imaxe do meu balcón e eso branco é neve. Si, amigos, levamos unha semana sen parar. Pero agora xa está pasando de coña barata... Accidentes por todos os lados, estradas incomunicadas e certo temor a que a cousa vaia a máis. Veremos como amencemos mañá...

Snökaos

"Kaos de neve", titulan os xornais locais de Gävle, logo da nevarada máis intensa deste inverno. A cousa continúa. De feito, as rexións centrais están en alerta. Frío? Non demasiado. Uns 7 baixo cero. Moito xeo nas beirarrúas e moito sueco (algún galego tamén...) afuciñado.

A mellor imaxe do ano

Esta é a mellor imaxe do 2005 en Suecia, obra do fotógrafo Jocke Berglund, do xornal Expressen. Representa marabillosamente o paso do ciclón Gudrun pola rexión de Småländ, que tumbou milleiros de árbores e deixou esta sorprendente imaxe dende o ceo. Tedes máis fotos dos participantes da pasada edición aquí.

(Outra vez, gracias, por tanto cariño de banda ancha que me estades enviando. Bicazos!!)