Os segredos de Linnéa

Antes de nada, moitísimas gracias, unha vez máis, por tanto cariño, interese, ánimos,... Uff, esta será outra experiencia que nunca poderei esquecer: o sensación de que paga a pena montar estes chiringuitos na Rede anque só sexa para "coñecer" tanta xente boa e xenerosa. Gracias, mil gracias.
Moitos preguntades os motivos polos que decidimos nomear Linnéa á pequecha. O caso é que crimos que era necesario que conservara as raigames suecas (naceu en Suecia, e eso sempre será así) e Linnéa nos pareceu apropiado por varias razóns:
a) Encántanos o sonido do ele logo dunha vocal: Xiana_linnéa.
b) Carl von Linné é unha das figuras sobranceiras da cultura sueca.
c) A linnéa é unha flor que recibe o nome precisamente de Carl von Linné.
d) A familia de Marta vive na rúa Linneo.
A pronuncia sueca é similar á que nos podemos imaxinar: o e péchase un chisco para converterse case nun i longo (liniiiiiia).
Agardo que estes segredos que garda Linnéa vos gusten tanto como a nós...

Xiana Linnéa

Naceu hoxe, ás 04:09 da madrugada. Pesa 4,5 quilos e mide 53 centímetros.

Estou moi emocionado.

E quería compartilo con vós.

Aurora

Imaxe de Ingemar Nyström (Nordlys é unha web norueguesa fermosa, visitádea)

Cando o sol treme, o Polo Norte fai de espello para podermos gozar das auroras boreais. Eu aínda non vin ningunha (pregunteille a amigos suecos e non teñen nin idea delas), pero no Norte do Norte, aínda máis ao norte, o ceo toca a pandeirada coas estrelas en clave de sol...

Teño o corazón a mil...

...tac, tac, tac, TAC

Mauro e Donato... benedictinos????

Xa sabedes que hai uns meses puxemos en marcha a Peña "DX För Fan-Deportivistas Suecos", que compartimos de momento 37 socios. Pero, incriblemente, a cousa brancoazul sueca ven de lonxe:
Hai uns días propuxéronme presentar unha tese na Universidade de Uppsala sobre cando Santa Birgitta, patrona de Suecia, fixera o Camiño de Santiago. De momento só estiven dándolle voltas ao asunto. Pero o abraiante é que nun dos libros que lin hoxe atopei a páxina que tedes na imaxe, que explica que entre os españois que influiron na vida de Santa Bríxida están Donato e Mauro, que nesa época aínda non ficharan polo Depor e adicábanse ao seu labor de benedictinos. Imaxinaba que Donato mintía cando falaba da súa idade, pero nunca pensei que se paseara polo século XIV, mi madriña...

Tack, en sueco; Grazas, en galego; Moito abrigado, en portugués (canta razón levan...)

Sérvase ben frío

Como hoxe veu tan bó tempo, Marta e eu decidimos comer fora, no parque que temos na urbanización. Comprei un viño branco alemán que tiña boa pinta e aquí me tedes agardando a que colla a temperatura necesaria.

Big Brother: suecos contra noruegueses

Pois si, aquí tamén hai Big Brother. Aburre ata as ovellas, por moita chorba guapita e chorbo lustroso. Ben, as fotos enganan, facédeme caso, porque se vedes a estes jichos en acción, vai o glamour directamente a tomar polo. A única coña é que misturan a suecos e a noruegueses, ou sexa que aí tamén entra a paixón nacional por ver quen gañará. Medios chuzas e todos salidorros. Nada novo, vaia.

Volven as neves...

Uno más uno son suecos

Á marxe de gustos musicais, gostaríame que lle prestasedes atención a estes dous temiñas. Un deles é o coñecido "Uno más uno son siete" (que dano fixo a LOGSE) de Fran Perea, o da serie de Telecinco, e o outro é "De älskar dig" ("Quérente") da banda sueca Raymond e Maria. Por favor, fixádevos ben no estribillo das dúas cancións. E opinade.